Komisioni i Garave i Federatës së Futbollit të Kosovës ka iniciuar procedurë disiplinore ndaj dy futbollistëve Lindon Emërllahu dhe Alef Firminjo.
Sipas njoftimit, Emërllahu i Ballkanit dhe Firminjo i Llapit u kacafytën mes vete në këtë përballje pas një dueli në fushë, me ç’rast ishin përjashtuar me karton të kuq.
V E N D I M E
1.Regjistrohet ndeshja e Superkupës Llapi-Ballkani, zhvilluar më 21.01.2023 në Antalia të Turqisë, më rezultatin e arritur në fushë.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare , lidhur me rregullsinë e fillimit, zhvillimit dhe përfundimit të ndeshjes, Komisioni i Garave pas administrimit të të gjitha materialeve dhe shkresave të prezantuara, incizimeve televizive, raporteve të personave zyrtarë të FFK-së si dhe mediave vendosi për:
Inicime disiplinore
Ndaj: Lojtarit të FC ”Ballkani”, Lindon Emerllahu me nr fanelle 6 dhe nr ID 008300M02. MOTIVI: Në min 90+ pas një dueli me lojtarin kundërshtar ka pasur shtyrje, kacafytje mes veti ku gjyqtari kryesor e ndëshkon me karton të kuq direkt. Sipas raportit të personave zyrtar të ndeshjes dhe xhirimit televiziv.
Ndaj: Lojtarit të FC ”Llapi”, Alef Firminjo me nr fanelle 9 dhe nr ID 024387M98. MOTIVI: Në min 90+ pas një dueli me lojtarin kundërshtar ka pasur shtyrje, kacafytje mes veti ku gjyqtari kryesor e ndëshkon me karton të kuq direkt. Sipas raportit të personave zyrtar të ndeshjes dhe xhirimit televiziv.
Këshilla juridike:
Pala e pakënaqur ka të drejtën e kundërshtimit në inicime-raporte / ankesës në vendimet të Komisioni Disiplinor i FFK –së / Komisioni i Apelit i FFK-së, në afatin prej 3 ditësh nga publikimi i këtij Inicimi/vendimi në faqen zyrtare të FFK-së apo datës së dërgimit në emailin e klubit.
Komisioni i Garave i FFK-së
Abdyl Bellopoja, kryetar
Prishtinë 25.01.2023
