Zyrtare: Peja emëron trajneri e ri, ai vjen nga Maqedonia e Veriut

Një ditë pasi njoftoi për largimin e trajnerit Shemsettin Bash, KB Peja ka zyrtarizuar trajnerin e ri.

Klubi i Superligës bëri të ditur se ka angazhuar trajnerin nga Maqedonia e Veriut, Jordançe Davitkov.

Ai në të shkuarën ka qenë përzgjedhës i Maqedonisë së Veriut duke e kualifikuar në Eurobasketin e vitit 2003.

Davitkov gjithashtu ka qenë edhe në krye të Kuvajtit duke përfunduar i treti në garat e shteteve të Lindjes së Mesme

.

Në nivel klubesh, Davitkov ka fituar katër tituj kampioni dhe katër kupa të Maqedonisë së Veriut me Rabotniçkin. Titull dhe kupë ka fituar edhe në Kuvajt.

“Trajneri Davitkov është shpallur trajneri i vitit në Maqedoninë e Veriut tri herë dhe njihet si njëri ndër trajnerët më të mirë maqedonas i të gjitha kohërave”, ka shkruar ndër të tjera KB Peja në njoftim. /Gazeta Olle/